هي حصص كتمكن الواحد يتبع مع المختصة ابتسام امادي، سواء في المكتب او عن بعد (عبر اتصال فيديو او اتصال عادي)
على حسب اختيار كل شخص
و هادشي كيخلي الحميةو النظام كيكونوا خاصين بالشخص المعني بالأمر ، كحصة اولى اللي مدتها ساعة كتسولو على الأكل ديالو و نهارو كيفاش كيدوز بالتفصيل، مع أوقات العمل، اوقات الاكل، نوع الأكل و مكانه…و كيقدر ياخد menu ديالو مكتوب و مشروح من طرف المختصة، كيكون متنوع و غالبا فيه خمس وجبات في اليوم، كل وجبة كتكون على حسب الحاجة الاقرب للشخص، و باقي الحصص كيكون تتبع للبرنامج، كيجيب معاه صور جميع الوجبات و الاسئلة اللي عنده، باش تقدر تصحح ليه الاخطاء سواء كان زايد او ناقص أكل ، آو أخطاء اخرى…هادشي سواء كان بعد او في المكتب
كتكون حصة كل اسبوع ف زوج الحصص الأولى من بعد كل اسبوعين حصة
في العادي نقصان الوزن كيكون كيلو كل أسبوع
و كيلو و نص حتى ل زوج كيلو كل أسبوعين
الmenu كيكونو فيه تغييرات مع الوقت على حسب تغيرات الوزن اذا لزم الأمر ، و كيكونو فيه إضافات على حسب طلب المعني بالأمر ، او على حسب ظروفه للأيام القادمة مثلا عراضة، سفر، تغير في اوقات العمل…
وهادشي كيخلي الواحد كينقص الوزن بلا ميدير مجهود كبير حيث الريجيم تابع حياته و ظروفه ماشي العكس